Dhuga Ba’umsa Dhuga-Baatuu Isa Amanamaa

Mul'ataa 3:14-22 keessatti waamicha Kiristoos gara ergamaa Waldaa Laa’odiiqeyaatti erge arganna. Kitaabni kun hundinuu afaan fakkeenyotaa guutuummaa Macaafa Qulqulluu qo'achuu fi seenaa Kiristiyaanummaa beekuun hiikamuu fi hubatamuu danda'uun barreeffame,. Yeroon Laa’odiiqeyaa bara 1844 kan jalqabe yeroo raajiin dheeraan waa’ee qulqulleessuu mana Qulqullummaa waaqa irraa inni Yesuus akka akka angafa Lubaa ta'ee iddoo Qulqulluu Qulqullootaatti seenee tajaajila isaa isa xumuraa jalqabe raawwatame. Dhugaadhumatti, Gooftaan saba isaa warra guutummaatti keessa seenuuf murteessaniif ergaa dinqisiisaa qabiyyeen isaa gad fageenya qabuu fi hiikni isaa bal’aa ta’e erge. Ergaan kun guutummaan isaa tokko yeroo ta'u qabiyyee guutummaa irraa yoo adda ba’an hiika isaanii dhabuu kan danda’an kutaalee hedduutti qoodamuu danda'a. Jalqaba irratti Dhuga baatuun amanamaan saba isaatti maqaa barbaachisaa ta'een of beeksisa. Ergasii, dhuunfaadhaan natti dubbachuudhaan eenyu akkan ta'e fi haala gadadamaa keessa akkan jiru dhuga ba’umsa isaa naaf qooda. Kana booda haala bu’aa’ummaa keessaa akkanba'uuf karaa na agarsiisa, hariiroo daldalaa barabaraakeessa akkan seenuuf na affeeraa. Guutummaa Waaqummaa samii hunda fakkeenya meeshaalee samii keessaatiin na duratti dhiyeessa, kana bitachuu yoon dhiise haala bu’aa’ummaa keessaa bahuu hin danda'u, afaan Kiristoos keessaas nan baafama. Heertuleen itti aananii dhufan hundi warra gorsa lakk 18 keessaa jiru fudhataniif ergame. Isaan keessatti Yesuus jaalala isaa naaf mirkaneessaa, daldaluu keessatti jabaadhee akkan itti fufuu, haala bu’aa’ummaa kootii irraa qalbii akkan jijjiiradhuuf na waama. Kana booda ofii isaatii gara koo dhufee hiikaa fi gadi fageenyaa meeshaalee bitamanii natti mul'isa, akkasumas humna hamminaa fi qorumsa mo'achuuf meeshaa waraanaa kanatti akkamitti akkan fayyadamu na barsiisa. Ergasii yoon ergicha hundumaa fudhadhee fi gorsa isaa hordofe kan koo akka inni ta’u ifa gochuudhaan Gooftaan badhaasa warra mo'atanii labsa. Amma "Ergaa Laa’odiiqeyaa" "Dhuga ba’umsa dhuga baatuu amanamaa" ykn jecha ergaa kana waliin walqabatu yoo interneetii keessa barbaaddan, heertuu arfan jalqabaa ergaa kanaa keessatti haala gadadama saba Waaqayyoo ibsanii fi isa hubachiisan qo'annoo gadi fagoo godhan sochii fi garee baay'ee argitu. Kana hubachuu dhiisuun qalbii jijjiirachuuf fedhii dhabuu fi haalli koo ija Waaqayyoo duratti akkam gadadamaa akka ta'e arguuf rakkisaa ta'a. ani kan biyya lafaa ta’uu baadhu illee, biyyi lafaa kun na keessa bakka qabaachuu isaa itti fufa, innis haguuggii Kiristiyaanummaatiin ogummaadhaan of dhoksa, kun immoo Waaqayyoon biratti jibbisiisaadha. Garuu sababa tokko tokkoon ergamoonni kun haala bu’aa’ummaa keessaa ba’uuf karaa kan hin kennene ta’uun isaanii kan nama gaddisiisuudha. Ergaan isaanis hafuura ifataa isaanii fudhachuuf na jajjabeessa akkasumas obboloota bu’aa’ota ta’anitti bu’aa’ummaa isaanii argisiisa. Garuu kun ergaa Laa’odiiqeyaa miti! Kun hiika ergichaa jallisuu dha. "Ergamtoonni" akkasii tokko tokko waldaa keessaa ba'uuf illee in murteessu ykn dhugaaf akka ariitamaniitti of ilaaluudhaan michummaa waldaa keessaa al of godhu. Cubbuu hanga makara dhumaatti saba Waaqayyoo keessatti kan mul'atu ta’uun isaa dhugaa shakkii tokko hin qabneedha. Garuu makara isa gaarii akka nuyi hin miineef jecha Gooftaan inkirdaada qzmadiitti adda baasuuf nu hin waamne. Ergaa Laa’odiiqeyaa karaa sirrii hin taane hiikuun inni tokko gar tokkee ergichaa fudhachuu fi lakk. 18 kaasee dhiyaatu isa walitti dhufeenya dhugaa Waaqayyoo wajjin hundeessuun akka danda'amu agarsiisu dhi’eessuu dhiisuudhaan ergichi karaa ba'umsaa akka hin kenninetti dhi’eessuudha. Lakk 20 inni waa’ee keessummaa samii isa dhaabatee balbala rukkutu dubbatu, biyya lafaa keessaa namoota gara Kiristoositti waamuuf lallabdoota wangeelaa biratti heertuu baay'ee jaallatamaadha,. Heertuun kun Waaqayyo filannoo koo akka kabajuu fi jireenya koo seenuuf hayyama koo eeguu isaa mulisa. Garuu heertuun kun ergaa Laa’odiiqeyaa wajjin kan wal qabatee fi isaa wajjin guutummaatti tokko akka ta'e hubachuun barbaachisaa dha. Ergaa kanaan alatti waamicha fi hiika biraa qaba. Ifa ergaa Laa’odiiqeyaa keessatti yoom iyyuu humna kan qabu gorsa Dhuga baatuu amanamaa dhaga'uu fi waan inni nuuf dhiyeessu bituu jalqabu qofa. Bitachuu! Gatii malee fudhachuu miti! Kiristoos gara Kiristiyaana bu’aa’aa gorsa Waaqayyoo tuffatee fi gorsa isaa irra tarkaanfatuu, garuu isa Fayyisaa isaa wajjin irbaata nyaachuu hin didnee dhufuun faayidaa maalii qaba? Hiika barreeffamichaa jijjiiruudhaan ergaa Laa’odiiqeyaa keessaa waan tokko fudhachuu fi waan jaallatamu qofa qo'achuun adabbii malee hin hafu. Onneen ergaa kanaa lakk. 18 isa Gooftaan fakkeenya “qubeelaa kaadhimannaatiin” fedhii koof yaada ga’eelaa keessatti dhi’eesseedha. Inni ayyaana Cidhaa keessatti akka isheen misirroo isaa taatu hawwa, garuu isheen amantii jaalalaan hojjetu, jaalala Waaqayyo Abbaa, uffata qajeelummaa Kiristoos isa qulqulluu fi ogummaa Hafuura Qulqulluu isa waaqa irraa hin qabdu. Gooftaan unversii duratti misirroo isaa qullaa gad baasaa? Yeroo ishee hafuura komii fi gammachuu dhabuu mul’ftu qaaniidhaan hin gubatuu? Haadha manaa gowwaa wajjin yeroo ta’u maaltu itti dhaga’ama? Kanaaf inni fakkeenya warqee, uffata adii fi qoricha ijatiin gad of qabee guutummaa Waaqummaa dhiyeessa. Kana booda misirroon isaa akka isa jaallattuu fi garaa ishee Isa hariiroo daldaluu barabaraawajjin seenteef garaa ishee akka bantuuf fuula duratti walitti dhufeenya dhuunfaa keessatti ishee beekuun isaaf baay'ee gammachiisaa ta'a. Kanaaf akka isaa wajjin nyaachuu, haasa’uu fi akka Yesuus waan tokko na barsiisuu danda'uuf Gooftaan fakkeenya galgala hundumaa, yeroo dhuunfaa koof gaarii ta’etti gara fedhii kooti dhufa. Lakk. 21 keessatti badhaasni nama mo'atuu fakkeenyaan dubbatama. Garuu yeroo Laa’odiiqeyaa keessaa warra filatamaniif ulfina samii mul'atuun wal bira qabnee yommuu ilaallamu gad of qabuu dha. Fakkeenyi durboota kudhanii inni Mat. 25:1-12 keessa jiru warra gorsa ergaa Laa’odiiqeyaa hin fudhanne maal akka isaan quunnamu agarsiisuu fi hubannaa bal’aa uumuudhaan ergaa Laa’odiiqeyaa fakkeenya ta’a. Jechii fi guutummaan jechoota ergaan kun of keessatti qabatan hundumtu barbaachisoodha, sababni isaas carraan koo inni barabaraahiika sirrii fi hubannoo ergaa kanaa irratti kan hundaa’e waan ta’eef. Waarqee ibiddaan qullaa’e bitachuun Mana Barumsaa Jaalala isa Samii seenuu fi miilla Barsiisaa Samii jalatti taa'uudhaan jaalala kana baruu fi beekumsa argame kana hojiirra oolchuudha. Jaalalli ana fi warra karaa koo gara isaatti qajeelfama in duroomsa (sooressa taasisa). Jaalallimiira miira garraamummaa sinisinnii fi ilaalcha gaarii utuu hin taane filannoo fedhii sammuu kootii isa nama jaallatamee Sanaa wajjin hariiroo qabaachuudhaan karicha irra adeemuuf murteessuudha. Kun immoo humna fi ogummaa Hafuura Qulqulluutiin jabeeffamee amala qajeelummaa Kiristoos keessatti hundeefamuudhaan isa inni naaf kennuudha. Baay'een waan ergaa kana keessatti barreeffame dubbisanii yoo hin dhaga’an, hin hubatanis ta’e Gooftaan abdii hin kutatu. Garuu, yommuu sammuutti mul’ifamee hubannaattis dhi’eefamee onnee keessatti fudhatamuu diduu fi fedhiidhaan tuffatamu, Gooftaan waan biraa kan kennu hin qabu. Kun yeroo dhumaatiif ergaa isa dhumaati, innis qormaata dhufuuf meeshaa waraanaa irra caalaa bu'a qabeessa ta’eedha. Yommuu kuusaan samii kun cufamu, waan tokko gochuuf yeroon kan darbe ta’a. Warra gowwootatti bara baraan cufama, garuu warra seenanii Kiristoos wajji daldaluu jalqabaniif hojiin barabaraaitti fufa. Balbala icciitii ergaa Laa’odiiqeyaa gama kamiin ta'uu yaaddu? Gaaffilee Boqonnaa Kana Irratti itti Yaadamu 1. Ifa boqonnaa kana keessatti Mul. 3:14-22; Mat. 25:1-12; Fak. 1:23-33; 3:13-18; 14:5,25; 1Qor. 10:12; Mat. 23:13; Luq. 11:42; Far. 91:6-7; Fak. 23:23 dubbisaa. 2. heertuun biroon Macaafa Qulqulluu irraa yaadatti isinitti dhufan maal fa'i? 3. Boqonnaa kana irraa maal hubattan? 4. Ergaa Waaqayyoo keessaa tokko fudhatanii kan biraa tuffachuun rakkoo hin qabu? Mul. 22:18-20. 5. Gooftaan warra barbaadanitti hiika fi yaada ergaa Laa’odiiqeyaa in mul’isa jettanii yaadduu? 6. Ergaa kana yeroo jalqabaatiif dubbisuu keessatti fakkeenyonni fi hiikni hundumtu yoo naaf hin gallee maalan godha? 7. Ergaan kun yeroo keenya isa dhumaa keessatti maaliif akkana barbaachisa? 8. Haala bu’aa’ummaa keessaa karaan ittiin ba’u kan biraa yoon barbaade maaltu ta’a? 9. Gooftaan ergaa isaa Mul. 3:14-22 irraa kan hin qo'atamneefi hin hubatamne kennee? 10. Dhaga'aa tokko yeroo jalqabaatiif hiika ergaa Laa’odiiqeyaa hubachuun rakkisaa ta'uu ilaalcha keessa galchuu qabna? 11. Bitattaan dheebotaan waan dhuga baatuun amanamaan dhi’eessuuf in argata jettanii yaadduu? 12. Ergaa kana keessatti Yesuus qabeenyaa samii tola kennuu dhiisee maaliif gurgura? 13. Gooftaan eebba ergaa Laa’odiiqeyaa keessatti dhiyaatu irratti nu dirqisiisaa? 14. Wanti akkas barbaachisaa ta’e maaliif gad of qabuun dhiyaata? 15. Ergaa Dhuga baatuu amanamaa tuffachuudhaan mo'ataa ta'uu nan danda'aa?