Hafuuratti Qullaa Ta’uu — Ergaa Laa’odiiqeyaa

Ani yeroo baay'ee fakkii Aadamii fi haadha manaa isaa utuu cubbuu hin hojjatin duraan arga. Artistoonni namoota utuu hin qaana’in qullaa isaanii jireenya gammachuu jiraatan lama kaasu. Macaafni Qulqulluun qullaa isaanii akka turan garuu hin saalfatan jedhee dubbata. Garuu isaan qaallummaa addaa kan uffata qajeelummaa Waaqayyoo isa ifa laafaa qaama guutuu haguugu qabaachuu isaanii ibsuun barbaachisaa dha. Kuni kitaaba "Aboota amantii fi Raagota" keessatti barreeffameera. "Maatiin cubbuu hin qabnee kun uffata namni hojjete hin uffanne; ifa fi ulfina isa akka uffata ergamootaa uffatanii turan. Hanga isaan waaqayyoof abboomamanii jiraatanitti uffanni ifaa kun isaan irra ture." - {PP 45.3} cubbuu yeroo hojjetan qaallummaa isaanii maaliif akka argan Ibsa namoota duraa kana irraa hubachuun salphaa ta'a. Waaqayyo namoota jaamaa hin uumne. Garuu isaan cubbuudhaaf jaamaa turan, uffanni ifa Waaqummaa chaappaa qajeelummaa isaanii ture. Nuti addunyaa hafuuraa keessatti waan walfakkaataa tokko tokko qabna. Ergamoonni nu marsanii jiran uffata addaa "qajeelummaa Kiristoos" jedhamee waamamu argu, baay'ee of eeggannoodhaan nu tiksus. Ani addunyaa hin mul'anne keessatti maal akka argan sirriitti ibsuu hin danda'u, garuu nuti warri Yesuusitti amanan hundumtuu namoota addunyaa kanaa irraa baay'ee adda akka taanen yaada. Garaagarummaan kunis fakkeenya nuyi addunyaa mul’atu keessatti hubachuu dandeenyuun Kiristoosiin kennama. Dhuga Baatuun Amanamaan qullaa akkan ta'e natti hima. Sana booda qaallummaan kun qaanessa ta'uu isaa, kan uffata adii addaa man- kuusaa Laa’odiiqeyaa keessaa bitame qofaan haguugamuu akka danda'u dubbata. Nuti uffata adii qofa utuu hin taane, uffata ifaa kan Aadami fi haadha manaa isaa isa qulqulluu akka qabnun hubadha. Garuu ija cubbuu keenyaan uffata qajeelummaa kennamuu fi nuuf ramadamu arguu hin danda'u, garuu iji amantii keenya yaada akkasii nuuf kenna. Qaallummaa jechuun qaama uffataan hin haguugamne jechuudha. Qaama qullaa isaa agarsiisuu Macaafni Qulqulluun qaanessa fi saalfachiisaa jedhee waama. Ani uffata namaa ulaagaa godhee fudhachuu ykn diduu hin danda'u, garuu Gooftaan dhuunfaan ifa haara’umsa uffataa naaf kenneera, innis waan qulqulluu fi kan addunyaa irraa adda ta‘eedha. Garuu addunyaa kana keessatti hammam illee qullaa yoon ta‘e, kuni hundumtuu yeroon qullaa ta'uu koo hubadhu salphaa fi dafee sirreeffamu danda‘a. Ani yerosuma uffadhee baay'ee miidhagaa ta'uu nan danda‘a. Garuu bifi koo inni alaa barbaachisaa ta'us, Waaqayyo jijjiirama keessaa koo, qulqullummaa hafuuraa koo eega. Asitti ani waan tokko uffadhee qaanii koo haguuguu hin danda'u. Dhugaa Baatuun Amanamaan qullaa jedhee na waamuu isaatiin dhugaa dubbata. Ani sababa tokko tokkoon kun waa'ee koo akka hin taane yaadee hojii hafuuraa fi carraa koo hundumaa tarreessuu jalqaba. Innis Kadhachuu, dubbisuu, hojjechuu, yaaduu, babal'isuu, hirmaachuu, kennuu fi waan gaarii biroo hojjechuudha. Kun dhugumaan waa'ee koo miti, callisee eenyutu ragaa kallattii akkasii keessatti qullaa ta'uu danda'a jedheen yaada? Dhugumaan inni waa’ee hollaa kootii isa teesuma waldaa irra ta’uudha jedheen yaada. Inni addaa, eenyuu waliin hin haasa'u, homaa keessatti hin hirmaatu, homaa irratti hin dubbatu. kun dhugumaan waa'ee isaati jedheen yaada. Akka isaa ta’uu dhiisuun koo gaariidha. Carraa gadhee ta’ee hamma ani ija Yesus duratti bu’aa’aa ta’uu koo hubadhutti waanana yeroo dheeraaf muuxannoo godhadheen ibsaa jira. Garuu kana kanan hubadhe yeroon man- kuusaa Laa’odiiqeyaa keessa seenee meeshaa Samii ilaale, wanti achitti dhiyaatu na madaaluu isaa hubadhe qofa ture. Qaallummaan koo inni Dhugaa Baatuun Amanamaan dubbatu hubannaa koo fi madaallii ulaagaa Macaafa Qulqulluu koo kan murtaa’u utuu hin taane, uffata adii inni naaf dhiyeessu uffachuudhaan. Gudunfaan isaa salphaa dha. Yoon uffata adii isa kan Kiristoos bitee uffadhe, ani uffadheera qajeelaadhas, yoon bitaa kana hin raawwanne, ani qullaadha. Heertuu Macaafa Qulqulluu muraasa caqasuudhaan Karaa biraatiin yaaduun in danda'ama, garuu yeroo dhumaa keessa akka jirru, ulaagaan guddaan yeroo dhumaa akka jiru hubachuu qabna. Kana wajjin ifa guddaatu nuuf kenname. Qodaa ibsaa durboota gowwoota keessaa dhadhaan nuugi dhibuun isaa akka tasaa hin turre, baay'een isaanii utuu dhirsa misirroo hin eeggatin du’an. Garuu yeroo iyya guddaa fi cidhi dhiyaateargamuun dhadhaa nuugii gahee murteessaa taphate. Chaappaan Waaqayyoo inni adda namoota addaa irratti godhamu hanga yeroo chaappaa kanaatti hin kaa'amne, garuu yeroo hundumtuu xumuramee, Gooftaan qamadii inkirdaada irraa adda bssuuf murteessu chaappaan carraa koo isa Barabaraa murteessa. Qullaa ta'uun gorsa fi yaada Yesuus jireenya koo keessatti jijjiirama guddaa gochuuf dhiyeesse hundumaa diduudha. Qaallaa ta‘uun ykn uffachuun koo gorsa Mul.3:18 fudhachuu kootiin murta‘a. Gooftaaf beekumsa fi waliigaltee koo qofa utuu hin taane, walitti dhufeenya daldala barabaraa keessa seenee waan inni dhiyeessu hundumaa akkan bitu barbaada. Yeruma tokkotti waan hundumaa bitachuu. Qullaa ta'uun karaa fayyinaa mataa ofii filachuu, uffata mataa ofii hojjechuu, wayaa Macaafa Qulqulluu kan dhaloota duraatiif dhiyaate fayyadamuudha. Wanti kallattiidhumaa ta'ee jireenya Kiristoos keessatti raawwatame yoon raawwachuu murteesse kuni qajeelummaa koo hin ta'u. Fakkeenyaaf, yoon iddoo aarsaa ijaaree hoolaa irratti Gooftaatiif gubadhee aarsaa godhe, Samiin akkamitti kana fudhataa? Nuti kuni hojjechuu akka dhiise hubanna. Yeroo angafni Lubaa Mana Qulqullummaa Samii keessaa ba'u, yeroo sana waan ani oobdii Mana Qulqullummaa keessatti hojjedhu barbaachisaa ta'uu dhiisee, fuula isaa duratti uffata akkamii uffadhee akkan dhiyaadhu barbaachisaa ta'a. Jaalalli fi ogummaan Samii walitti dhufuudhaan ifa qajeelummaa amantii wajjin na uffisaa, nama arguu fi baay'ee durооme na godha. Ani kana keessaa tokko filachuu ykn haquu hin danda'u. Loltuu diina waliin waraana qullaa ykn meeshaa waraanaa malee ba'ee nama meeshaa waraanaa qabu duratti akka karatiistaa dhaabbate of duratti kaafadhaa. Bashannanaa fi taphachiisa diinaa ol kana yaaduu rakkisaa dha. Hagam jabaa fi guddaa ija ofii keessatti namni qullaan kun ta'us, gonkumaa mo'attuu hin ta'u. Eenyullee isaaf hin kennamu, garuu taphachiisaaf isa waliin taphachuu danda'u, suuta suutaan qaama miidhamaa godhuun. Gooftaan immoo warra gorsa isaa irratti deebii kennanii bitattootа kakka'aa ta'an mo'attoota godha. Qajeelummaan koo ija Samii duratti, akka uffata xuraa'aati. Kun qaallaa ta‘uu caalaa hamaa dha. Is.64:6. Waaqayyo yeroo anaa wajjin walitti dhufeenya keessa seenu, yeroo sana jireenya koo keessaa firii eega. Yeroo kun ta'u, xurа'ummaan tokkollee uffata koo hin xureessu. Firiin koos qulqullummaa ta'a, dhumni isaas jireenya bara baraati. Rom.6:22. Gaaffiin uffata hafuuraa koo baay'ee barbaachisaa dha. Uffanni hunda caalaa gaariin immoo Yesuusiin uffachuu (Rom.13:14), meeshaa waraanaa Waaqayyoo guutuu (Efe.6:11) fi jaalala isaa, isa hidhaa guutummaa ta'eedha (Qol.3:12-14). Amala Kiristoos qabaachuun ija Samii duratti hundaa ol uffata bareedaadha. Uffanni kun yeroo Daldalaa Samii waliin walitti dhufeenya daldala godhuu na irratti hunda‘aa. Ani walitti dhufeenya isa malee qullaa ta’uu koo arguu fi natti dhaga’amutti fayyadamuu bareera. Ani Jaalalaan uffadha. Gaaffilee Boqonnaa Kana Irratti itti Yaadamu 1.Ifa boqonnaa kana keessatti Ba'a.20:26; Is.3:16-17; 47:2-3; 57:8; 61:3; 64:6; Zak.3:3-4; Mul.3:17-18; 16:15; 19:8; 2Qor.5:21; Rom.4:5; 8:35; 13:14; Efe.6:11; Qol.3:12-14; Far.44:14; Erm.13:26; Hez.16:36-37; 23:29; Lew.10:6; 20:17; Uma.9:20-23; Mik.1:11 dubbisaa. 2. Boqonnaa kana irraa maal hubattan? 3. Isin nama uffateedhaaa? 4. Maaliif Gooftaan qullaa naan jedha? Jecha laafaa barbaaduun ni danda'ama ture. 5. Ija Yesuus duratti qaallummaa keessan irraa maal hubattu? 6. Gooftaan yeroo haala koo madaalu maal arga? 7. Yeroo dhumaatti uffata sirrii uffachuun barbaachisaa? 8. Wanti ani jireenya idilee keessatti uffadhu garaagarummaa qabaa? 9. "Uffanni adiin" Mul.3:18 irraa maal jechuudha? Akkamitti argachuu danda'ama, hubannoo keessan keessatti akkamitti mul'ata? 10. Maaliif Gooftaan qullaa akka hin taaneef nu akeekkachiisa? Mul.16:15. 11. Kiristoos irraa uffata adii qofa bitanii meeshaa biraa dhiisuu ni danda'amaa? Kun ni danda'amaa? 12. dhadhaan nuugii kan qodaa ibsaa qaallummaa koo waliin walqabataa? 13. Barumsi keenya uffata ga'aa argachuuf isin gargaaraa? 14. Yoo namni tokko qullaa godhee namoota hundaatti na agarsiise, kuni cubbuu natti ta'aa? 15. Kiristoos maaliif qaallaa isaa fannoo irratti akka ol ba‘e yaadaniittuu? Kun maal bakka bu’uu danda'a?