Misirroo Badde — Ergaa Laa’odiiqeyaa

Maqaan koo Lesiyaa dha. Hiriyaa koo Emmii jedhamu, isa jecha Emmanueel jedhamu irraa dhufee wajjin Seenaa jaalalaa ani qabun isinitti hima. Jalqaba walbaruu keenyaatti walitti dhufeenyi keenya baay'ee adda ture. Hiriyaan koo inni jaallatamtamaan kun yeroo guyyaa qorraa hundaa gara koo dhufee addunyaa inni naaf laatte akkam akka miidhagu natti himti ture. Yeroo gammachuun, bashannannii fi jaalali moo'e sana yaadachuun akkam nama gammachisa! Garuu guyyaa tokko waa'ee Emmii irratti namni waan adda addaa dubbatee jireenya koo keessatti gadda fi yaaddoo baay'ee fidee dhufe. Ani qullaa ta'uu koo argeen qaann’ee baqachuu fi dhokachuun barbaade, garuu Hiriyaan koo inni jaallatamaan kun dhufee na barbaaddee, "Eessa jirta?" jedhee na gaafate. Akkan jiru sanatti fuula isaatti dhiyaachuu qaba. Emmiin uffata gogaa natti uffisee, fuula duraaf gorsa muraasa gara naa kennee, seera duratti liqii koo akka kaffaluu na hubachiise. Yeroon in darbe, anis guddadheen muuxannoo argadhe. Addunyaan naannoo kootii hin fooyyofne, dhiyootti yeroon dhufe Hiriyaan koo inni Hundumaa Danda'u bishaan badiisaan waan hundumaa balleessuuf murteesse, ana qofa hambisee. Kun baay'ee sodaachisaa ture, garuu qormaata kana keessas nan dabarse. Yeroon in darbe. Emmiin ammas na waame, anis isatti nan amane, kunis akka qajeelummaa naaf lakkaa'ame. Inni ana irraa saba guddaa uume, isaaniifis seeraa fi abboommii isaa kenne. Ani bareedina Samii guutuu keessatti addunyaa durattan dhiyaadhe, karaa hundaan nan eegame. Seera kana eeguu fi araara fi haqa Emmii addunyaatti mul'isuun ana irraa eegama. Garuu dhiiroonni miidhagoon baay'een ofitti na hawwatu turan, ani hunda isaanii abbaa manaa koo gochuun hawwe, kun immoo Emmiitti aarii kaase, innis yeroo hundaa siree nama biraa keessaa na harkisa ture. Anis dafeen waaqa tyolfamaa waaqefachuu isa michuun koo gara gabrummaatti ittiin na erguttan kufe, Hiriyaan koo gara barsiisa garbummaatti na kennuu danda'e, achii booda araara isaa naaf haaressdhaa achi keessaa na baase. Anis waaqa biraa dhiisee isa qofa waaqeffachuu bare, garuu amanamummaa kana keessatti illee daangaa biraa keessatti kufeen addunyaa hunduma irraa adda of baasuudhaan adda of godhe. Garuu dinqiitu ta‘e! Emmiin nu keessaa akka isa tokkoo ta'e, addunyaa kana keessatti dhalate. Iccitii Jaalala Bara-baraa jireenya isaatiin nutti mul'ise, amala Samii dhugaa fi ilaalcha Isa Ol'aanaa namootatti mul'ise. Garee xiqqaa nama 12 na walitti qabee, Emmiin iccitii lubbuu isaa natti mul'isee fakkeenya agaapee dhugaa agarsiisee, ajaja walii keenyaa jaallachuu naa kenne. Sana booda gaddi dhufe. Hiriyaan koo jaalatamaan ajjeefame, du'a kana keessatti bakka bu'aa isaa addunyaa kufaa keessatti na godhe, aangoo addaa fi humna lubbuu gowwoomfaman fayyisuuf naa kennee. Humni jahannamaa fi du'aa hundumtuu na irratti bu'e, Hiriyaan koo jaalatamaan immoo qormaata hundumaa keessa na geessaa humna koo jabeessaa, dhiyootti hundumtuu xumuramuufi naaf dhufuu akka ta'e mirkaneessaa ture. Yeroon darbe, ani ba'aa seera namaafi aadaa jalatti dadhabee addunyaa waliin walitti makamuu gahe. Garuu Emmiin reformaatoota na keessatti kaasee, isaan keessaan ifaa cimaa dukkana bara walakkaa keessatti naa dhangalaase, kaayyoo kaa'ame gara gaddaa, du'aafi dhiphina keessa na geessaa ture. Yeroon raagaa dheerinaan ture murtii jalqabuu irratti raawwachuuf ga'e. Yeroo kanarratti Emmiin ammas ana keessaa ifaa guddaa kennee raagummaa koo haaromse, qabaataa dhugaa isaa na godhe. Ani baay'ee xiqqaa fi dadhabaa ture, garuu Emmiin humna koo ta'ee harka koo mirgaa na qabe. Inni jijjiirama adda addaa fi qajeelfama bal'aa waan ta'u, maal eeguu fi maaliif qophaa'uu irratti naa kenne. Ani ifaa kana hundumaa addunyaatti dabarsuu qabaadha. Emmiin Seera isaa Bara-baraa ana keessatti bara-baraan mirkaneesse, addunyaatti bareedina ajaja isaa hundumaafi hin jijjiiramne mul'isee, akkan isaan jiraadhuuf na barsiisee garaa koo keessatti harka isaatiin barreesse. Ani yeroo dhuma jireenya koo kana keessaa gara addunyaa Laa’odiiqeyaa jedhamutti seene. Hiriyaan koo jaalatamaan dhuunfaadhaan natti dhiyaatee, haala koo gadadoo ibsee, qullaa ta'uu koo hundumaafi faayidaa dhabuu koo bifa dhugaa keessatti dhiyeesse. Kana waliin walii galuu qabaadhe. Garuu kana keessatti gaaffii addaa harka isaafi garaa isaa natti dhiyeesse, walitti dhufeenya dhiyoo isa waliin seenuuf na gorsa. Jaalala isaa natti mirkaneessuun, ammas gorsa isaa jabeessaan qorachuufi haala koo dhugaa irratti cubbuu hiikkamuuf na waame. Intala isaa na gochuu akka barbaadeefi fuudha dura na beekuu dhiyoo barbaadu na hubachiise. Inni na duukaa fiiguu dadhabee, qulqullina haaraa keessaa na baasaa, kanaaf qabeenna Samii hundumaa akkan bitee soorromuu danda'u, uffata bareedduu akkan uffadhuu danda'u fi qoricha ija waan warra biraa hin arginee akkan arguu danda'uuf natti dhiyeesse. Xiyyeeffannoon akkasii na gammachiisa, garuu gatiin isaa hundumaa ol'aanaa dha, sababiin isaa addunyaa bareedaa kana bara-baraaf dhiisuu qabaadhaaf yeroo gaarii hundumaas isa waliin dabarsuu qabaadha. Emmiin immoo dhufeera balbala koo duratti dhaabbatee, fuudha dura na beekuu gaarii barbaada. Ana keessatti wal lolaan jira. Kutaan koo tokko walitti dhufeenya daldalaaf seenuu fi dhiyoo wal baruun akka dansaa ta'e dubbata, kutaan biraa immoo muuxannoo darbee wabeeffachuun fuudhaaf qophaa'uu, yeroo daldalatti hin balleessin, hojii hojjechuufi addunyaa fayyisuu akka qabu dubbata. Emmiin uffata fuudhaa adii kan walitti dhufeenya dhuunfaa keenyaan argame natti dhiyeessa, ani immoo hojii koofi karoora milkaa'aa koo akka inni na beekuuf gahaa ta'uufi uffata bifa kanaa naaf uffisu yaada. Ani guyyaa fuudhaa eenyummaa akkan beekuuf isa gaafadha, akkan dhufee heerumuu danda'uuf. Innis maaliif akka ta'e na hin beekuufi eessaa akkan dhufe hin beeku jedha. Hojiin koo hundumtuu isa hin gammachiisu fakkaata, garuu ofiin isaa na gammachiisa. Inni qaamota koo tokkoon tokkoo waliin hafuuraan hanga walitti dhihaachuu barbaadu, kana irraa wanti tokko na rakkisa. Ani fuudhatti dhufuufi heerumuu hayyamuuf murteesse jabeesseen murteesse, amma immoo hojii barbaachisaa isa irraa illee dhiisuu hin dandeenye irraa na hin gargaarsin. Ani isaafillee isa hojjedha. Haa ta'u malee dinqisiifannaa fi qajeelummaa koo haa ta'u. Yeroon yaadadhu, bakka xurii hangam keessaa Emmiin na baase, waggaa meeqa naaf fiige, akkamitti na fayyisee madaa koo hidhe, walitti dhufeenya daldala isa waliin yoon hin seenne na dhiisuu akka danda'u hin amanamu. Ani dubra qulqulluu ibsaa qabu. Waan inni bu’aa’aa na jedhu - madaallii sirrii miti. Ana keessatti wanti bu’aa’aan baay'een jira, isaan ittiin boonaa jiru. Inni ana keessatti jaalala arguu barbaadaa? Eenyutu amma kana nama dinqisiisa? Hojii fi bu'aa agarsiisuu qabna, ani baay'ee qaba, innis kana beeka. Ofuma yaadaa, beelaa'aan jaalala kootiin quufa ta'aa? Lakki, inni suppa barbaada, anis kana kennaaf. Kana malees baay'een dubbisaafi kadhaadhaa, Emmiin kanas beeka, yeroo hundaa kadhannaaf koof deebii kenna. Ani misirroo ta'uu hin mormu. Kunoo fuudhatti nan dhufa, nan heeruma, ergasii wal beekuu dandeenna ganama hanga galgalaatti. Amma garuu yeroo hin qabu. Yoo miseensonni koo tokko tokko karaa biraa yaadan, kun mirga isaanii, bilisummaa isaanii nan kabaja. Haa deemanii haa daldalan. Maal akka ta'u nan ilaala? Ani yaada, amma barbaachisaan Emmii waliin daldala seenuu utuu hin taane, seerota eeguu keessatti amanamummaa. jaalatamoo miseensotaa isin maal yaaddu,? Eessa deemaa jirtu, gara cidhaatti maal fudhattanii dhufaa jirtu? Yeroo xiqqootu hafe, waan hundumaa raawwachuu fi addunyaa hundumaatti xumurri akka dhufu beeksisuun barbaachisaa dha, fayyinni immoo Emmii keessa qofa jira. Gaaffilee Boqonnaa Kana Irratti itti Yaadamu 1. Ifa boqonnaa kanaa keessatti Ifa boqobbaa kanaa keessatti, Isa.54:10-15; Uma.1:27; 3:6-9; 6:5,8,18; 15:6; 17:4-7; Ba'a.19:3-6; 32:7-8; Abb.21:25; Erm.2:11-13; 3:1,13; Isa.24:5; Hez.16:34-37; 37:26-28; Dan.8:14; Mat.1:21-23; 16:18; Yoh.3:16; Ef.3:8-12; 5:29-32; 1Xim.3:14-15; Mul.3:14-22; 19:7-9; 21:9 dubbisaa. 2. Boqonnaa kana irraa maal hubattan? Waa’ee Eenyuutu keessatti dubbatama? 3. Heertuu Macaafa Qulqulluu biraa kam yaadattan qabduu? 4. Maatii Samii uumuu keessatti eenyutu yeroo hundaa jalqaba? 5. Maaliif sabi Waaqayyoo yeroo hundumaa cubbuu ykn makaraarsummaa keessatti kufa? 6. Waaqayyo ijoollee isaa warra kufan akkamitti ilaala? 7. Dubbiin Laa’odiiqeyaatti dubbatame walitti dhufeenya Kiristoos isa dhumaatti jettanii yaadduu? Yoo deebiin keessan lakki ta'e, dubbiin biraan Macaafa Qulqulluu keessatti maal jira? 8. misirroon Kiristoos cidha beelamame irratti dhuftee haadha manaa isaa ta'uu dandeessii? 9. Qaami misirroo Kiristoos eenyu? Akkamitti hubattu? 10. Maaliif Gooftaan amma misirroo isaa waliin walitti dhufeenya dhiyoo qabaachuu barbaada? 11. Maaliif misirroon Kiristoos yeroo hundaa abba manaa ishee irraa fagaatti? 12. Waaqayyo yeroo hundaa Waldaa isaa barbaaduu fi argee ol fuudhu akka barbaadu hubattaniittuu? 13. Warra gorsa Mul.3:18 hin hordofne irratti maaltu ta'a? Bakka biraati bitachuuf carraa qabuu? 14. Fakkeenyi kun ifa Macaafa Qulqulluu keessatti rakkoo keessan arguuf isin gargaaree?